هل يقبل أحمد الدمرداش دخول أبنائه مجال الفن؟.. إجابة الفنان فاجأت الجمهور!

أكد الفنان أحمد الدمرداش بأنه لا يشجع أولاده على العمل في المجال الفني، وبرر ذلك بأن البيئة الحالية لا تقدر الفن.

حيث قال: "معنديش حد يدخل الوسط الفني ورافض الفكرة وعندي بنت اسمها مليكة عشر سنين وفاروق ست سنين نص".

وتابع: "مش بشجع ولادي يهتموا بالفن كهواية رغم أنها حاجة مهمة للتربية، ولكن بعوضها ليهم بحاجة تانية لأننا للأسف الشديد في بيئة معينة مش بتقدر الفن بالمقدار المطلوب ممكن حد يهتم بالفن بشكل كبير وما يحقشش فيه حاجة". 

وواصل مؤكدا بأنه لن يشجع أولاده أبداً للدخول في مجال الفن، وقال: "بسعى أن ولادي يكونوا متعلمين في الشغل والحياة العادية ويفهموا في الشغل العادي بعيدًا عن الفن، ولما يكبروا وبقى عندهم شيء أساسي، وحابين الفن يبقوا يحبوه بعيد عني ومش هشجعهم".

وأوضح الدمرداش أن والده هو من شجعه على دخول مجال الفن، وقال: "أنا بابا لما دخلني الوسط شجعني جدًا، لكن لو هو في الزمن الحالي مش هيشجعني".

وأضاف: "لو رجع بيا الزمن هشتغل في الفن لأني بعشق التمثيل وبستمتع بالإخراج، والتمثيل هوايتي وفي ناس ممكن تروح مشاوير علشان تصطاد لأن الهواية لا تقدر بثمن".

قم بمشاركة المقال