بعد الانتقادات التي طالته بسبب تصريحاته حول تشجيع المنتجات المصرية.. أول رد من شريف رمزي يفاجئ الجميع؟!

أوضح الفنان شريف رمزي موقفه الحقيقي من فكرة تشجيع المنتجات المصرية، وذلك بعد الانتقادات التي طالته بسبب منشور سابق له اعترض فيه على فكرة التشجيع هذه.

وقال: "اللي انتقدوا مفهموش البوست.. قانون البيع والشراء مفيش مستهلك بيشتري منتجات عشان يشجع شركاتها، إحنا بنشتري المنتجات على حسب جودتها.. لما بنشتري المنتجات الأجنبية إحنا مش بنشجع البلاد الأجنبية إحنا بنشتري المنتجات دي عشان إحنا محتاجنيها".

وأضاف: "إحنا بنشتري المنتج عشان جيد فـ إحنا مهما شجعنا ده مش هيفيد بلادنا مش ده الموضوع، ونشجع بلادنا ونوقف جنب مصانعنا زي القطن المصري عشان منتج جيد، وفي العالم كله أي منتج جيد الناس هتحبه وتشتريه الناس بتشتري منتجاتها طبقا لجودتها".

وواصل: "المقاطعة أقل واجب وأقل حاجة في إيدينا إننا نساعد القضية الفلسطينية، ولكن مش عاطل في باطل، يعني في منتج بلد المنشأ مختلفة بس شغالين في ناس مصريين طب ما أنت هتقطع رزق الناس المصريين وهضر بلدك أكتر في ناس بتكون واخده التوكيل خلاص".

وأكمل: "أنا بخاطب الشركات المصرية دي فرصة ذهبية ليكم ما دام الناس جتلكم لغاية عندكم لازم تطوروا ونستغل الفرصة من النار، وزي ما حصل في قصة كولونيا الشبروايشي 555 وقت الكورونا، والراجل بعد ما كان بيقفل لقى نفسه بينجح ورجع..".

وانهى حديثه: "وياريت نستغل المنتج المصري أن الناس كلها هتجيلك واكسبهم واضمنهم وخليهم زباينك الدائمين، مفيش حد بيشتري منتج عشان الشركات، وكلنا بنشتري أيفون عشان نشجع أمريكا ولا عشان ده تليفون جيد؟!".

قم بمشاركة المقال