بعد ان اشترت له الشقة بمالها هي..مصري يصعق زوجته بما فعله في شقتها وامام عينيها..ما فعله يفوق كل الحدود!!

حابه اتكلم معاكو لانى هاموت من القهر 

انا اتطلقت غيابى هو شخصيته ضعيفه قدام اخواته بعد ماوقفت جمبه وكنت السبب بعد ربنا انه يجيب شقه ويعمل مستقبل اخواته قالوله طلقها لأنهم ماكنوش بيحبونى كانوا دايما شايفين ان الخير ده كتير عليا وخسارة فيا اعيش فى خيره على الرغم اقسم بالله عمر ماحد من اخواته احتاج حاجه.واتاخرت عليه هو ماكنش بيبقى عايز يجيب ليهم او يديهم حاجه انا اللى كنت أقف قدامه واقوله اخواتك وهما محتاجين واحنا ربنا كارمنا 

دلوقتى بقالنا ٤ سنين منفصلين حصل فيهم مشاكل كتير بس انا مش قادره انساه ولا اتخطى الموضوع بشتغل وبحاول اعيش حياتى بس مش قادره 

وعرفت ان هو اتجوز من اسبوعين اتجوز بنت بنوت ومعاها شهاده أعلى منه اتجوزها فى الشقه اللى انا حاربت علشان يجيبها ومالحقتش ادخلها ولا اقعد فيها مقهوره وقلبى هايقف من الحزن حاسه بسكينه بارده فى قلبى متخيلاهم فى كل حاجه مع بعض متخيلاها وهى واخده مكانى فى كل حاجه 

انا بكتب وكلامى مش مترتب من العياط والانهيار اللى انا فيه 

انا الحمد لله بصلى وبقرا قرآن دايما ادعى ربنا وحاليا بالسعوديه وبعمل عمره بس انا هاموت من النغزه اللى فى قلبى مش عارفه اتنفس منها عقلى وقلبى مش مستوعبين انه معاه واحده تانيه

سعاد فايق

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال