تحدث عن الخيانة الزوجية بكل جرأة .. هذا ما قاله أحمد العوضي في "حبري سري" عن ياسمين عبد العزيز

حل الفنان أحمد العوضي، ضيفاً على برنامج "حبري سري"، مع الاعلامية اسما ابراهيم على قناة القاهرة والناس.

وتحدث العوضي، عن خيانة الرجل لزوجته، مؤكدًا أنه لا يوجد مبرر للخيانة مطلقًا، وإذا أراد الرجل الزواج مرة أخرى عليه إخبار زوجته الأولى.

وقال أحمد العوضي خلال تصريحات تلفزيونية: مينفعش راجل يخون مراته، ومفيش مبرر يخلي راجل يعرف على مراته واحدة، لو أنت مش مبسوط طلق، هو الراجل يملك إيه غير هيبته والست تملك إيه غير احترامها؟.

وأضاف أحمد العوضي: مفيش حد في الدنيا بياخد كل حاجة، الخيانة كمبدأ مش صح، ولو عايز يتجوز يقول لمراته الأول ولو هي موافقتش يبقى حقها، ولو اتجوزت في السر أو بتخون هتبقى فقدت احترامك قدام دي ودي.

كما كشف الفنان أحمد العوضي، عن سبب تأجيل فيلم البلدوزر مع المخرج طارق العريان، قائلًا: البلدوزر أنا مضيته ومتفق عليه من 2022 وبعدين طارق العريان صور معاوية وأنا صورت ضرب نار، واتفقنا نأجل تصوير، والفيلم مكتوب وجاهز، الفيلم حالة فريدة ومفيش منافس هيعمل نفس فكرة الفيلم، وهي مش حرب.

وأضاف أحمد العوضي: أنا مبقلقش من حد ويارب كلنا ننجح وأنا هدفي نوصل لنقطة حتى لو كلنا وصلنا ليها المهم إني وصلت ونجحت، إيه اللي يزعلني لو كله نجح معايا؟.

ويشارك الفنان أحمد العوضي، في الموسم الرمضاني المقبل 2024، من خلال مسلسل حق عرب، والذي تدور أحداثه في إطار شعبي، حيث يتعرض بطل العمل للكثير من المغامرات، خلال أحداث العمل، ويحاول الخروج منها، وذلك في إطار الإثارة والتشويق، والعمل من تأليف محمود حمدان، ومن إخراج إسماعيل فاروق.

قم بمشاركة المقال