خويي زوجي دمر لنا بيتنا وخرب زواجنا بهذه الخطة الشيطانية..فتاة تحكي قصتها بالدموع!!

تزوجت قبل عشر سنوات من زوجي الي دوامه بمنطقه بعيده عن اهلنا تبعد تقريبا سبع ساعات كنت متحمسه اني اروح معه لان صراحه كنت متعقده من اهلي وكارهه بيت اهلي ف حسيت انها جت من المنيه ان اسافر وابعد عنهم اثث شقه قريبه من اهله ع امل ان اذا صار لنا شهر يطلع نقله ف ربي م كتب نقل وتضايق وقال بيسافر لحاله يداوم بعدها ياثث شقه هناك ويرجع ياخذنا معاه ونزلني عند اهلي وسافر وبعد اسبوع رجع وقال غيرت رايي م ابي اخذك معي بضل اسافر بروحي واحطك عند اهلك وبعدها ارجع ضلينا علئ هاذا الوضع تقريبا سنه وهو يسافر اسبوع ويجي يجلس اسبوعين الين صار يزود ب المده ومرات صار يغيب شهر لما شفت ان الموضوع طول انهارت نفسيتي ابي اكون معاه ابي احس اني متزوجه وبعد لما يجي تخيلو كل يوم من العصر يصحئ يوديني لهله او ل اهلي كل يوم تخيلو وامه تتصل عليه من الظهر تنسق معاه موعد وكل يوم تبدا الاساله وش اكلت وش شربت وش سويت تتطمن ع وضعه او وحده من خواته ضروري يعني يجي عندهم ف حتئ وهو موجود يوديني لااهلي مافي وقت اطلبه سوق مافي وقت اطلبه تمشيه ابددد مافي وقت اقدر اتفاهم معه حتئ

واهله تفكيرهم ان خايفين اخذ ولدهم منهم واقلب مخه واخليه خاتم ب اصبعي

مرت الايام وحملت وتعبت نفسيتي زياده اول حمل عند اهلي وهو مسافر لين مره من المرات وانا حامل بشهر السادي كان جاي من السفر ومستانسه ع جيته الا ثاني يوم امه اتصلت عليه قالت نبيك تسفر خواتك عمره وجده مع اخوك وحرمته وابيك تمشي مع خواتك ماتخليهن ف نزلني عند اهلي قلت ابي امشي معكم قال لالا السسياره ماتكفي كلنا بسياره وحده انا واخوي وحرمته وخواتي

تصبرت لين رحت لااهلي وبعدها بكيت وبذات لما شفت زوجت اخوه تصوره وهو عند المحطه وترسل صوره وهو معتمر هههه انقهرت وجلست ابكي ولاابي ولااشرب الين جو وجاتني ولاده مبكره خخخ وولدت وتوفئ العيل

المهم

بعدها حملت وولدت اول ولد لي الله يحفظه

وحنا نفس الحال يسافر ويغيب شهر ويرجع

طنشت الموضوع وقلت لنفسي بمشي عليه نظام التطنيش اني مبسوطه مع اهلي وطلعات ووناسه

واكذب عليه اني ابي اروح لزواجات وعزايم كل يوم اتصل فيه اترجاه يوافق يعيي لالالا الين يوافق ب الاخير ويقول خلاص رووووووووحي باي

لمن صار ولدي عمره سنه وانا مطنشه خلاص يئست جا وقال اسمعي بروح ادور شقه هلمره واخذكم معي خلاص معاد اقدر اتحمل الطريق رايح جاي قلت قل غيرها بس بكره وانك مغير رايك قال لالا ماني مغير رايي رايي ثابت باذن لله

وبعدها ب ايام سافرلما وصلنا بعدها ايام قال اسمعي ترا الشقه الي تحتنا حقت خويي وابيك تزورين حرمته تتعرفين عليها طلع خويه ذاك الي اقنعه ان يجيبنا عشان حرمته تتعرف علينا وماتحس ب الوحدهحرمت خويه اهلها كمان بعيدين يعني تسافر لهم طيران جيتها وتعرفت عليها وصرنا صديقات نزاور بعض كل يوم اجيها وتجيني وهو دايم مع خويه ماييمر يوم مايجون بعض بعدها بشهر حرمته سافرت لهلها وغابت اربع شهور ورجعتاستغربت كيف كل هلمده تضل عند اهلها ولمن جت تقابلت انا وياها قالت عادي اصلن دايم انا كذا طفش وكمان بجلس اسبوع وارجع لهم

المستغرب ان زوجها يضل ف الشقه حقته يعني تسافر بروحها هي واطفالها ويشتاق لهم من كلامها ويضل ينادي زوجي عنده او يجي عند زوجي ومرات يتصل بزوجي بوقت متاخر يقول ابي شي اكله سوو لي اي شي نحطله شي سريع بيض زيتون يسد جوعه كنت احزن عليه والله وزوجته بروووود بكل سهوله تقول طفشت وبروح لهلي استانسالمهم مرت الشهور والسنين والحرمه مثل وضعها تجي تجلس عند زوجها شهر شهرين وبعدها تسافر ل اهلها تجلس عندهم اكثر ومرات ست شهور وعليها

قلت لزوجي ي اخي حرمت خويك والله زودتها حيل مو لهدرجه شلون لها قلب تخلي زوجها وتسافر قال ماعليك منهم شدخلنا فيهم

قلت وانت الصادق وش علينا منهم

وطنشت الموضوع وحملت وولدت مرتين

وجا الوقت الي لازم نسجل ولدي ب المدرسه ايام كرونا

ا

وهي كمان بنتها كبر ولدي

الا جاني وقال اسمعي خويي يقول بنسافر انا وياك ل منطقه بعيده نفتح به مشروع نشتغل به ونخلي حريمنا عند اهلهن ٦شهور

وحريمنا يصبرن ماعندهن مشكله

قلت خيييير

٦شهور

انا م اصبر ٦شهور حرمته الي تصبر اما انا لاا والله مستحيل قال اقول بتجلسين عند اهلك غصبن عنكً موب بكيفك بكيت وحاولت فيه لاكن خلاص مخه مغسول مافي امل

وتجي المعاناه الكبيره نزلني عند اهلي وفعلا خلاني ٦شهور عندهم ولايوم جاني قبل ال٦شهور

سعاد فايق

صحفي متعدد المواهب، يعمل في كتابة المقالات والأخبار في مجالات متنوعة مثل السياسة، الاقتصاد، الثقافة، والرياضة.

قم بمشاركة المقال